“Hana Le Arti Hukom Lam Nanggroe”

"Hana Le Arti Hukom Lam Nanggroe"

Assalamualaikum saleum lon pujoe

Keu pimpinan nanggroe Aceh di nama

Ulon meu sya’e nibak malam nyoe

Keu pejabat nanggroe mandum lon sapa

Wahee pak pemimpin bek le neu iem droe

Nyan para korupsi nanggroee neu peubinasa

Bek gadoeh ne duk neu pike kaya droe

Tapi beu neupako hukom Agama

∂ï pak Zaini Abdullah gubernur geutanyoe

Malik meuntro mahmud ∂ï nama

Muzakir manaf wakil saat nyoe

Teuma Tgk Muharruddin tanyoe pimpin DPRA

Hana leeee arti hukom lam nanggroe ...

Hana soe pakoe nibak Agama..

Ureung korupsi rata jeut sagoe

Jareung tadeungoe tamoeng penjara..

Leupah tat gura pemimpin geutanyoe

Geu peujalan nanggroe kon hukom Agama

Sabe ta dengoe beurita tiep uroe

Rata jeut sagoe kasus pajoh peng negara

Yang brat abeh lucu nibak uroe nyoe

Pancuri leumo 15 thoen penjara

Bak kasus korupsi sama-sama peu amann droe

Mulai dari pak meuntro sampoe pak jaksa

Wahee ee rakan pemuda nanggroee

Kiban solusi bak dron rakyat beu seujahtra

Peu keuh ta meu do'a ureung korupsi beu pungoe

Atau takoeh jaroe mangat ∂ï rasa

Dana Otsus meulimpah u nanggroee

Pakoen sit rakyat ∂ï lam bumoe le yğ menderita

Na yang susah hana meupat bu coet uroe

Lamdum hai adoe teumpat tinggai hanaa

Teukeudi han maju aceh kali nyoe

Bek salah kamoe meujak pareksa

Bek gadoeh neupike keu asoe prut droe

Tapi keu kamoe neuhiro beuna

Harapan ulon keu pemimpin jinoe

Beuna neu pakoe keu rakyat jelata

Bek gadoeh lale ureung disampeng droe

Neusaweu kamoe yğ na didesa

Yang kamoe pinta koen keuh saboh moto

Atau pun proyek, segala rupa

Cuman yang kamoe lake nibak saat nyoe

Hukoem ∂ï nanggro beu teulaksanaaaa ..........!!

Meunan harapan dari kamoe

Supaya nanggroe aman sejahtra

kajeut keuh oh noe haba malam nyoe

Meu ah ulon nyoe, nyeo na salah kata

Pengarang/Penulis :
Mohd Fajri Abd Rahman
Selasa, 10 November 2015
03.00 WIB

"Haba Hiburan"

"Haba Hiburan"

Assamualaikum pujoe keu Tuhan

Pang ule alam Muhammad Nabi

Ulon meu sapa keu mandum rakan

Saleum lon tuan keu aneuk fokusgampi

Di pak ketua nan geuh poe pulan

gura hana ban bak peugot visi misi

kampanye awai cukop bahaya rakan

geupegot perjanjian ban hi bupati

Gepeugah teuma menyo lon jeut keu ketua hay rakan

Le perubahan keu aneuk sigli

yg pertama phoen keu asrama hy kawan-kawan

Rencana usulan sang penginapan hotel di bali

Aleuh nyan teuma keu pembangunan

Rencana di gob nyan peumakmu ureung pidie

Serta geupegah geu kritik pak sarjani hai rakan

Untuk pembangunan tanyoe di pidie

Nyan leupah tat gura, wate gepegah hai kawan

Ukeu kota sigli nyan, ka lage itali

U bena geudong, jalan-jalan dan pembangunan

Jeut lon tuan peu jalan, ngon pak sarjani

Ulon teu khem meu khak khak wahee eeo rakan (:D)
Aleh pakiban visi misi ketua fokusgampi
Ulon duk taheo bak lon pike hai rakan

Sang Pak pulan pulan lagi bermimpi (:D)

Teuma jinoe takalon piasan

Padum persen ka jalan dari visi misi

Teuma yg ka deuh seminar wirausahaan

Serta les bahasa ingris aleh na di jalani

Abeh loem gura jinoe hiburan
Di pak pulan pulan meu en bola kaki
Geu pegot Tim Fokusgampi FC dan GAMpidie FC hai taulan
Ikut perlombaan ata Pak Zulkarnaini

Teuma tat gura Manager jih hai rakan
Ibuk negarawan asal dari pidie
ureung sep tari hi Titi Rosan
Ban senyuman lage Syahrini (:P)

Mandum pemain hana payah bi minuman (:D)

Kasep senyuman dari Ibuk sekali
Aleuh senyuman di teuka tega hai rakan

Sang permainan lionel messi

Teuma teulah bak akhe wahee ee cut bang
Juara pih tan sama sekali

Bak pike2 soe yang salah dalam permainan
Geu jaweub le pak pulan pulan, Nyan sit salah Ibuk sekali ___ (:D) = (Teuga tat geu peukhem pemain ka terkeplek2)

Ka meumada oeh no keuh dari lon tuan
Haba hiburan ke aneuk fokusgampi
Pat-pat na yang salah peu meu ah lon tuan
Bek sampe dendam keu sinyak Mohd Fajri

Pengarang/Penulis :
Mohd Fajri Abd Rahman
Jum’at, 06 November 2015