Harapan Aneuk Peutani keu pimpinan UIN Ar-Raniry

"Harapan Aneuk Peutani keu pimpinan UIN Ar-Raniry"

Assalamualaikum pujoe keu Tuhan

Pang ule alam Muhammad Nabi

Ulon meu sapa ke mandum rakan

Yang na dalam pendidikan di UIN Ar-Raniry

Yang pertama phon keu pihak pimpinan

Serta sekalian keu dosen teuma

Hana sit tuwoe para staf karyawan

Sampoe oeh leuh nyan keu satpam teuma

Teuma pak Farid leupah tat gura

Jaringan di lua hayeu leumpah na

Geumita link sampoe u jakarta

U nanggroe lua geu kerja sama

Purek sa pak Muhibbuthabri

Bagian akademisi dan pengembangan lembaga

Di purek dua pak Luthfi Aunie

Bagian administrasi dan perencana

Teuma tat gura purek lhei hai rakan

Pak Syamsul Rijal di ganyan nama

Natsu peugot acara meu bagoe macam

Serta jalin hubungan ngon mahasiswa

Teuma takalon jinoe pimpinan UIN hai rakan

Pegot kebijakan ban suka hati

Aleh geu pike tanyoe ureung hartawan

Padahai rakan aneuk petani

Ureung syik di gampoeng susah hanaban

Uroe ngon malam mita raseuki

Bak geupike bohate sayang

Lam pendidikan di UIN Ar-Raniry

Di ureung kaya hana susah hai rakan

Setiap bulan teurimoeng gaji

Sira geu duk duk gaki meugawang

Ban trok tekenan kasep sigumpai campli

Di kamoe gasien meu kuwien hanaban

Ban penampilan lage bang joni

Adak meu khem khem peng tan sajan

Nyan keu hiburan peuseunang hati

Di teuka susah bak awal bulan

Pike kiriman keu sinyak fajri

Adak pih hana peng jadeh geu meu utang

Bak polem suman di kota sigli

Kiban tapeugot ka nasib lagenyan

Keu biaya kebutuhan kuliah di UIN Ar-Raniry

Yang peunteng aneuk sukses ban harapan

Adak pih leuh nyan pajoh bu sira campli

Nyan leupah tat gura troek informasi hai rakan

Bayeu parkiran siribe perhari

Yang ka awai meulunjak SPP rap pingsan

Aleh u keu nyan peulom yang akan terjadi

Teuma beurita di wisma 250 sampe 400 sigoe eh simalam

Sang penginapan hotel di bali

Padahai mandum geudoeng ata bantuan

Pakoen jeut meunan bisnis UIN Ar-Raniry

Teuma yang teurakher saleum seujahtra keu pimpinan

Bek pegot kebijakan seugolom sosialisasi

Bek neupegot sistem ban hi kerajaan

Beu neuteupeu hai bapak dan ibuk sekalian tanyoe neugara demokrasi

Ka meumada oeh noe keuh uroe ka malam

Surat kecilan dari aneuk peutani

Pat pat na salah neu peu meu ah lon tuan

Nyan ban harapan dari Muhammad Fajri

Karya : Mohd Fajri Abd Rahman
Senin 13 April 2015 / 01:16